Rydym yn falch iawn o’ch gwahodd i ddod i Ddigwyddiad Terfynu Prosiect BUCANIER ar 27 Ionawr 2021, rhwng 2.30pm a 4.00pm. Bydd y Digwyddiad Terfynu yn dod â phartneriaid, cyfranogwyr, mentoriaid a rhanddeiliaid ynghyd i rannu llwyddiant y prosiect a’r busnesau y mae wedi eu cefnogi. Bydd y digwyddiad hwn yn ddathliad o’r hyn yr ydym i gyd wedi’i gyflawni gyda’n gilydd rhwng 2017 a 2021.

Gobeithio y gallwch chi fod yn bresennol!

Yn ystod ein digwyddiad ar-lein, bydd siaradwyr gwadd yn ymuno â ni a byddwn yn arddangos amrywiaeth o fideos am straeon o lwyddiant gan ein Cyfranogwyr Busnesau Bach a Chanolig yng Nghymru ac Iwerddon, yn ogystal â’n FIDEO ETIFEDDIAETH, sy’n crynhoi’r prosiect cyfan.

Archebwch eich lle heddiw!

Cymerwch ofal a chadwch yn ddiogel.

This item is also available in English/ Mae’r eitem hon ar gael yn Saesneg hefyd

Mae BUCANIER (Building Clusters and Networks in Innovation Enterprise and Research) yn bwriadu cynorthwyo busnesau bychain sydd ar arfordir Môr Iwerydd dros y tair blynedd nesaf. Bydd y prosiect yn gweithio yn y sectorau twf allweddol yn economïau Cymru ac Iwerddon, sef bwyd a diod, gwyddorau bywyd ac ynni adnewyddadwy. Bydd yn ceisio cynyddu gallu arloesedd mewn busnesau bychain drwy gydweithio â sefydliadau Addysg Uwch a chyrff cyhoeddus eraill i hybu cynhyrchedd ar draws Iwerddon a Chymru.

Bydd y prosiect yn gweld y partner arweiniol, sef Cyngor Sir Penfro, yn ymuno â Sefydliad Gwyddorau Bywyd Abertawe a Chyngor Sir Gâr yng Nghymru ac Institute of Technology Carlow, Bord Iascaigh Mhara a Chyngor Sir Wexford yn Iwerddon.

Bydd BUCANIER yn:

DARPARU dosbarthiadau meistr mewn arloesedd.

CYNNIG mentora busnesau.

CREU rhwydweithiau newydd rhwng Cymru ac Iwerddon a fydd yn cynorthwyo mentrau yn yr un sectorau, rhannu gwybodaeth, cynyddu masnach draws-ffiniol a chreu swyddi newydd.

BUDDSODDI mewn syniadau ar gyfer datblygu dylunio a phrofi cynhyrchion newydd.

CYMHWYSO arloesedd seiliedig ar ddylunio i ddod â chynnyrch/gwasanaeth newydd yn agosach i’r farchnad fasnachol.